منتديات شباب السودان اونلاين

منتديات شباب السودان اونلاين

♣°ღ____♥● منتدى شباب السودان اونلاين ♣°ღ____♥●

Like/Tweet/+1

انت غير مسجل

أنت غير مسجل فى منتدى شباب السودان اونلاين . للتسجيل الرجاء إضغط هنـا

نشر على الفيسبوك

ترحيب باالزاير

اهلا وسهلا زائر الكريم , انت لم تقوم بتسجيل الدخول بعد ! يشرفنا ان تقوم بالدخول او التسجيل اذا رغبت بالمشاركة في المنتدي


مسطول

شاطر
avatar
salih5050
درجة العضو

عدد المساهمات : 19
النقاط : 12508

مسطول

مُساهمة من طرف salih5050 في الأربعاء سبتمبر 21, 2011 4:52 pm

حاجة مسطولة تسمع في كورة.. المذيع قال الكورة عند الثيردباك تأملت وقالت مما قمنا اللعيبة كلهم عجزوا واعتزلوا الا ثيرد باك ما بعجز ولا بعتزل

مسطول طالع من الدكتور بيتكلم مع روحو: ضب في صحن؟ لا لا سحلية في جك؟.. لا لا قعونجة في جردل؟ لا لا تمساح في بانيو؟ رجع للدكتور تاني وقال ليهو: انت يا دكتور قلت عندي

شنو؟! قال ليهو: عندك سرطان في الحوض!

مسطول أسمر وأخوه أسود صلوا جماعة الإمام قال ليهم استووا رد على الأمام: أنا استويت لكن أخوى ده حرق عديل كده

سمسار أراضي مسطول مشى يخطب واحدة، أمها قالت ليهو: مهرها 100 مليون رد: ليه ناصية؟

مسطول مرتو قالت ليهو وأنا بصلي الكديسة أكلت عشاك قمت دقيتها قامت جارية، قال ليها: ما مشكلة بكرة بجيب ليك كديسة تانية

في الحافلة فجأة شريط المسجل وقف المسطول سأل الراكب جنبو: اسمع يا أخي وداللمين ده نزل ولاشنو؟

مسطول وقفه المدرس وقلو اكتب رقم11 كتب واحد وقل للمدرس الواحد الثاني علي اليمين والا اليسار

مسطول عامل فيها ود عز سألته بنت وين تدرس قال في الشراتون

واحد مسطول ماشي في السطوح طااااااااخ

وقع دقا الواطة الناس اتلمت ليك فيهو

الحقو الزول دا .... لاحولة ولا قوة .. مالك يازول ...في شنو؟؟؟؟

المسطول قام اتنفض وبي استغراب شديد قال ليهم

والله يا جماعة انا جيت هسسسي ما عارف اي حاجة في شنو هو ؟!!

شيخ شرب بنقويه وصلى بالناس الجمعه

ومشى البيت العصر الناس مشوا قالوا ليهو

قلت غزو بدر بالطيارات قلنا عادى قلت صلاح الدين

حش القدس بالكيماوى قلنا ماشى لكن امية باع بلال

بخمسه مليون لبرشلونة دى قوية


مسطول مرته ماتت قالو ليه نديك أختها

قال يا جماعة نسابتي ديل شركة تامين ولا شنو؟


مسطول بيسال مدرس جغرافيا:يا ترى خط الاستواء مسفلت والا ردمية ساكت؟؟
دكتور قال لمسطول ولدك ده متسمم بحليب مدته منتهيه
قال ليه صاح رضعتوا حبوبتو


مسطول سال مسطول عن وجه الشبه
بين واحد واقع من الطابق الثامن وعسل النحل ؟
رد عليه : الاثنين بتلحسوا


واحد بيسطل مع مرتو في البيت، الباب دقه قالت ليهو: سجمي راجلي جاء
قام تلب بالحيطة


واحد طلب من مسطول سيجارة عيدية فى عيد الفطر
المسطول قال ليهو السجارة كان بدوها عيدية كان ختوها في علبة الحلاوة


مسطول بحب نفسو... كتب ليها جواب


ليه الواحد لما يعاين ليك بتجيهو نفسيات؟
غايتو انا تاني ما حاوريك وشي خالص (مسطولة بتتكلم مع المرايا)


مسطول مشى لندن، لما رجع سألو صاحبو عن البلد هناك. قاليهو: تمام لكن المحيرني حتى الشفع بتكلمو انجليزي



مسطول مشي يخطب ليهو واحده
اهلها قالوا ليهو البت بتقرا

قال خلاص مافي مشكله وقت الفسحه بنجي


مسطول سألوه : ماهو الحب؟؟
رد: أكولة في القلب ما تعرف تحكها



واحد مسطووووووول أتصل على الإذاعة : أحب ان أهدي الأغنية الجاية للخطيبة الغالية بمناسبة المولود الجديد


واحد من المساطيل متعود يمشي جنب البحر يدخن سجارتو ...
ومتعود يشيل صديقه الفار في جيبه ؟
في السكه صادف ليهو بنت جميله قام شاغلا ...
البت زعلت قالت ليهو بكلم ليك ابوي ؟؟واخوي :::
الفار طلع راسو من الجيب وقال ليها لو عندكم كديس برضو كليمهو

خواطر مسطول

عالم مركب بالغلط ، طابونة بتبيع آيسكريم ،راكوبة فى نص الزلط ، كديسة لابسة فنلة كط
، مستر عتود لابس شبط ، الحفلة رآآآآآآبه وفنانة بط ، التيس يبشر فى الغنم ، خرفان مسننه واقفه لط
احد مسطول داير يحتفل بيوم الطفل
بال في لباسو


مساطيل قاعدين يعوموا في نص الظلط جا واحد ماشي واستغرب واتلفت يمين وشمال لقي واحد قاعد بعيد يتفرج عليهم قال ليه يا ابن العم انصح الجماعة ديل
صاحبك طلع مسطول قال ليه والله أنا قلت ليهم المكان ده غريق ما تعوموا فيه

مسطول جاب ليهو موبايل جديد اداهو لي اخوهو
قال ليهو هاك اكتب لي رسالة انا خطي كعب



ضبانة وقعت في كاس وسكي مرقت قالت : هـــــــــــوي الصقر جاكم


اتنين مساطيل حضرو ليهم حادث انقلاب بوكسي
بقى واحد فيهم يمسك الزول ويقول ليهو
1+1 كم
وطاخ...يديهو كف
1+1 كم
وطاخ.. كف
التاني عاين ليهو كويس
وقال ليهوwhهوي ما تكفتن ساي
يمكن بليدين

واحد مسطول سألوه مالك زعلان ولا شنو ؟ قاليهم لا بس الوالد شوية متوفي

اثنين مساطيل .. راكبين عربية الأول سايق والثاني راكب ورا .. الراكب ورا سطل سطلة شديدة ..
ماشين في شارع النيل .. السايق شاف الشجرة (مضروبة جير أبيض نصها التحت) أفتكرها عسكري حركة .. راح واقف .. لما شافها شجرة ضحك وطلع طوالي ..
بعد مسافة الثاني من ورا .. قال ليه .. التافه دا قال ليك شنو

مسطول نايم في الحوش .. أمو بتصحي فيهو .. يا ولدي قوم الشمس طلعت .. قال ليها : دخليها وأقفلي الباب .


مساطيل قالو عايزين يعملوا مظاهرة ضد أمريكا، قام لبسوا واحد صورة بوش و حرقوه


في مسطول قاعد جنب ست شاي: قالت ليهو : أديك جبنا؟؟؟
قال ليها: والله ما عارف، لكن الجداد جا نزل الطوب حسي ومشي


واحد مسطول سألوه الفرق شنو بين الركشة والكارو ؟
قاليهم الكارو الحمار بي برة
لكن الركشة الحمار بي جوة


فلاتي مسطول بيضرب في تركين كارب، كل ما ياكل ليهو لقمة يلحس صوابعه ويقول : هلو afrلكن أفن



في جنوبي لابس ليهو فنيلة سوداء وبنطلون احمر شافو مسطول

قال انعل ابو السطلة التخليني اشوف الزردية ماشة



قال ليك فى واحد مسطول المطره جات رمت باب البيت


( الباب كان بفتح لى جوه )


أها قام ركّب الباب غلط ( يعنى خلاهو بفتح لى بره )


أها تانى يوم جا البيت متأخر شديد زى الساعه اتنين


دقّ الباب .. جات بتو نعسانه فتحت ليهو الباب


عاين ليها شديد وتاح قشطا ليك كف كنتى وين حدى الساعه اتنين

مجنون عندو خروف كحلو وربط ليهو الحريرة

جا الضباح الصباح مسطول طهر الخروف ومشى



واحد مسطول خطب ليه وحده مجنونة

قالة ليه : من حبيتك حسيت في دوخلي انسان

قال ليها : خلي الفلسفة وقولي حامل



( إذا كان عمر زيد 12 سنة ، فكم تفاحة في الصندوق ؟) واحد مسطول بدرس أخوه إنجليزي


ولد سأل أبوه المسطول
قال ليه : يا أبوي إنت يوم الإتنين الفات كان إجازة ليه ؟
رد عليه : والله ياولدي أظنه صادف يوم جمعة


واحد مسطول قال والله اليومين ديل من شدة الحر تفتح الباب تلقى الشارع قاعد في ضل الحيطة



واحد مسطووووول كلو ما يلمس مكان في جسمو

يوجعو مشا للدكتور لقا اصبعو مكسور

مسطول طلبت المحكمة منه شي يثبت ملكيته للبيت
جاب ليهم صورته وهو يرش الحوش!!


مسطول واقف جنب البحر في الجريف بعد ما سطل شاف البحر ماشي عكس قاليهم:
لو اتكلمنا تقولو مساطيل و لو سكتنا مدني بتغرق


مسطول امو ولعت فيها النار قال ليها نورتى يا حجة


فى تلات فيران بيتصقعوا لمن اتصطلوا تمام قالو نشوف اقوى واحد فينا
الاول:انا بشرب سم الفار مع الشاى .التانى:انا باكل الجبنه جوه الشرك التالت:
قال عن ازنكم ياجماعه قالو ليهو على وين يازول قال:مجكس كديسه"

مسطول سألو : لو خروف عرس نمله بجيبو شنو ؟
قال: يا نمله مخرفه يا خروف منمل
avatar
ibrahim

صـاحب المنتدي



الدولة : السودان
الجنس : ذكر
مكان الدراسة : جامعة الرباط الوطنى
عدد المساهمات : 463
النقاط : 14386
العمر : 29

رد: مسطول

مُساهمة من طرف ibrahim في الخميس سبتمبر 22, 2011 8:08 am

ههههههههههههههههههه والله قمة فى الروعة تسلم صالح لا ناصية اجمل هههههههههه







    الوقت/التاريخ الآن هو السبت مايو 26, 2018 4:27 am